Behrosth - Волчонок [текст песни, слова]

[Текст песни «Волчонок»]

[куплеты]
Идяше вышата съ изборомь
И съ осмию мужь путьмь глоухимь
Оуклоняхоу же ся отъ стезь и отъ пепелищь
Ведяше же я тропами кривыими
И никтоже не въпроси, камо идяхоу
Въ третии же д(ь)нь придоша на пепелище
Идеже стояше вьсь пожжена
И дыма же не бе
Нъ пепелъ единъ остылъ
Чьрны же печи стояхоу
И кости лежахоу по дворомъ
Не бе бо погребающаго
Ничтоже не рече вышата
Нъ вниде въ дворъ
И разгребе пепелъ ногою
И обрете подъ клетью яму сокровену
Слыша же дыханье тихо
Изведе отрочя оубого и мълчаливо
Именьмь хотенъ
Онъ же не плакаше
Ни глаголаше
Нъ зьряше яко зверь изъ тенетъ изшьдъ
Разоуме вышата
С(ы)новець бо емоу бе
Взя же и съ собою
И оттоле имъ тяжькъ бысть путь
Поиде же слоухъ о мужихъ техъ
Яко ся явиша на пепелищи
И кости зьреша
И огнища разгребахоу
Донесоша же тоурославоу
Глаголюще
Живи соуть и не далече соуть
Тоурославъ же посла муже многы
И гнаша я по лесоу
И стези заступиша
Воды стережахоу
И огнища пожгоша
Веща же изборъ
Не силою ныне оустоимъ
Кто же изыдеть къ к(ъ)н(я)зю
Томоу животъ будеть
Вышата же не възлюби словесъ сихъ
Мълча стояше
Изборъ же изыде изъ леса съ дъвема мужема
И положи ороужие на землю
Ста предъ воеводою к(ъ)н(я)жимь
Рекъ: мы есмы рать безъ к(ъ)н(я)зя
Аще не пощадиши насъ, врази ти будемъ
Аще ли пощадиши
Мечи ти въ лесе будемъ
И приведоша я къ тоурославоу
И виде к(ъ)н(я)зь
Яко мужь крепокъ и не трепещеть
И рече: въ лесе есте волци
А подо мною пси сторожеви
Положите рядъ и живи будете
Они же положиша рядъ и даша ротоу
И сташа седмь мужь подъ рукою к(ъ)н(я)жею
И изведоша я изъ леса
Вышата же не положи ряда
Нъ стояше особе и зьряше на избора
И ничтоже не рече
Ни изборъ къ немоу, и тако ся разидоста
Тоурославъ же виде, яко вышата не рядивъ ся
Нъ и не бежа, и посла по нь мужа единого
Не съ ороужиемь, нъ съ словесьмь
Възглагола же емоу
К(ъ)н(я)зь бо тя не зоветь въ рядъ
Нъ зоветь въ дело: веси бо ты лесы и стези
Ихже инии не ведять
Вышата же не отвеща вборзе
Зьряше на хотена мълча
И рече последи: иду
Нъ не к(ъ)н(я)зя ради
Отрочяте ради иду, да не оумреть гладомь
И поиде съ нимь
Не давъ же роты
Ни поклонивъ ся главою